ترکی کی اسرائیل کے مقبوضہ مغربی کنارے میں زمین رجسٹریشن فیصلے کی سخت مذمت

استنبول ( ترکیہ خبر) ترکی نے مقبوضہ مغربی کنارے میں اسرائیل کے نئے زمین رجسٹریشن فیصلے کی سخت مذمت کی ہے اور اسے بین الاقوامی قوانین کی خلاف ورزی قرار دیا ہے۔ترکی کی وزارت خارجہ نے اتوار کو جاری بیان میں کہا کہ اسرائیل کا یہ اقدام مقبوضہ علاقوں پر قبضے کو مضبوط کرنے اور غیر قانونی آبادکاری کو فروغ دینے کی کوشش ہے۔ بیان میں مزید کہا گیا کہ یہ قدم فلسطینی عوام کو ان کی زمینوں سے بے دخل کرنے کی کوشش ہے اور دو ریاستی حل کے امکانات کو کمزور کرتا ہے۔وزارت خارجہ نے بین الاقوامی برادری پر زور دیا کہ وہ اسرائیل کی یہ پالیسی مسترد کرے اور فلسطینی ریاست کے قیام کی حمایت جاری رکھے، جس کا دارالحکومت مشرقی یروشلم ہو اور حدود ۱۹۶۷ کی لائنوں پر مبنی ہوں۔