ترکیہ نے غزہ میں جنگ بندی میں اہم کردار ادا کیا:امریکی عہدیدار

ترکی( ترکیہ خبر)ایک امریکی عہدیدار نے کہا ہے کہ ترکیہ نے غزہ میں جنگ بندی کو یقینی بنانے میں بہت اہم کردار ادا کیا ہے۔بتایا گیا ہے کہ صدر ڈونلڈ ٹرمپ کا اس علاقے کے لیے منصوبہ اپنے دوسرے مرحلے میں داخل ہو چکا ہے۔عہدیدار نے بتایا کہ ترک صدر رجب طیب ایردوان، وزیر خارجہ خاقان فیدان اور خفیہ ایجنسی کے سربراہ ابراہیم کالین اس منصوبے میں قریبی طور پر شامل رہے اور انہوں نے امریکی حکام کے ساتھ تعاون کر کے شاندار کام کیا۔اہلکار نے مزید کہا کہ ان کو اس عمل میں شامل کرنا بہت اہم تھا اور یہ تعاون انتہائی ضروری ثابت ہوا۔