مختلف عقائد رکھنے والے افراد کا باہمی احترام کا مظاہرہ ایک مثبت مثال ہے: ترک صدر

استنبول ( ترکیہ خبر) ترکیہ کے صدر نے عیدِ قیامت کے موقع پر مسیحی برادری کو مبارکباد دیتے ہوئے بین المذاہب ہم آہنگی اور اتحاد کی اہمیت پر زور دیا ہے۔سرکاری بیان کے مطابق صدر نے کہا کہ موجودہ دور میں جب امتیازی رویے اور عدم برداشت میں اضافہ ہو رہا ہے، ایسے میں مختلف عقائد رکھنے والے افراد کا باہمی احترام اور یکجہتی کا مظاہرہ دنیا کے لیے ایک مثبت مثال ہے۔انہوں نے کہا کہ خطے میں جاری مشکلات کے باوجود پرامن ماحول کو برقرار رکھنے اور مزید مضبوط بنانے کے لیے عزم برقرار ہے، جو معاشرتی ہم آہنگی کے لیے ناگزیر ہے۔صدر نے مسیحی برادری کو عیدِ قیامت کی مبارکباد دیتے ہوئے اس امید کا اظہار کیا کہ یہ موقع دنیا بھر میں امن، استحکام اور سکون کا باعث بنے گا۔یاد رہے کہ عیدِ قیامت مسیحی تقویم کا ایک نہایت مقدس دن ہے، جو حضرت عیسیٰ علیہ السلام کے دوبارہ جی اٹھنے کی یاد میں منایا جاتا ہے اور امید و حیات کی علامت سمجھا جاتا ہے۔