ملیسا اورال نے والدہ سیبل جان سے محبت کا اظہار کر دیا

 انقرہ( شوبز ڈیسک)ترکی کی معروف گلوکارہ اور اداکارہ سیبل جان نے 1988 میں اداکار اور میزبان ہاکان اورال سے شادی کی تھی۔ دونوں کی ازدواجی زندگی 11 برس تک جاری رہی، جس کے دوران ان کے ہاں دو بچوں، ملیسا اورال اور انجین جان اورال، کی پیدائش ہوئی۔22 اگست 1994 کو پیدا ہونے والی ملیسا اورال نے کم عمری میں ہی اپنے والدین کی علیحدگی کا تجربہ کیا، جب سیبل جان اور ہاکان اورال نے اپنی راہیں جدا کر لیں۔والدہ سے گہری وابستگی رکھنے والی 31 سالہ ملیسا اورال نے چند ماہ قبل ایک انٹرویو میں کہا تھا کہ ’’سیبل جان کی بیٹی ہونا ایک ناقابلِ بیان احساس ہے‘‘، جس کے ذریعے انہوں نے اپنی والدہ کے لیے محبت اور عقیدت کا اظہار کیا تھا۔حال ہی میں ملیسا اورال نے اپنے ننھے بھانجے کے ساتھ ایک خوشگوار لمحے کی تصویر اور ویڈیو بھی مداحوں کے ساتھ شیئر کی، جسے سوشل میڈیا صارفین کی جانب سے خوب سراہا جا رہا ہے۔