ایران کا بڑا پیٹروکیمیکل مرکز نشانہ، دھماکوں سے علاقہ لرز اٹھا

انقرہ( ترکیہ خبر)استنبول سے موصولہ اطلاعات کے مطابق ایران کے جنوب مغربی علاقے میں واقع اہم توانائی مرکز کو حملے میں نشانہ بنایا گیا، جس کے بعد خطے میں کشیدگی مزید بڑھ گئی ہے۔غیر ملکی ذرائع کے مطابق اس کارروائی کے دوران متعدد دھماکوں کی آوازیں سنی گئیں اور اہم صنعتی تنصیبات کو نقصان پہنچنے کی اطلاعات ہیں۔رپورٹس میں بتایا گیا ہے کہ اس حملے میں بڑے پیٹروکیمیکل پلانٹس کو نشانہ بنایا گیا، جو توانائی کے شعبے میں نمایاں حیثیت رکھتے ہیں۔دوسری جانب ایک فریق نے حملے کی تصدیق کرتے ہوئے دعویٰ کیا ہے کہ یہ کارروائی ایران کے ایک بڑے صنعتی مرکز کے خلاف کی گئی، جس سے اس کی برآمدی صلاحیت کو شدید دھچکا پہنچا ہے۔ماہرین کے مطابق اس پیش رفت کے بعد نہ صرف خطے میں کشیدگی میں اضافہ ہوا ہے بلکہ عالمی توانائی منڈیوں پر بھی اس کے اثرات مرتب ہونے کا خدشہ ظاہر کیا جا رہا ہے۔