انطالیہ ڈپلومیسی فورم کے موقع پر ترکیہ، مصر، پاکستان اور سعودی عرب کے وزرائے خارجہ کا اہم اجلاس

استنبول( ترکیہ خبر) حکان فیدان نے مصر، پاکستان اور سعودی عرب کے وزرائے خارجہ کے تیسرے اجلاس کی میزبانی کی۔سفارتی ذرائع کے مطابق یہ اجلاس انطالیہ ڈپلومیسی فورم کے موقع پر منعقد ہوا، تاہم اس کی مزید تفصیلات ظاہر نہیں کی گئیں۔عالمی رہنما اور اعلیٰ حکومتی عہدیدار جمعہ سے اتوار تک انطالیہ میں جاری اس فورم میں شرکت کر رہے ہیں، جو عالمی سطح پر بڑھتی ہوئی غیر یقینی صورتحال کے تناظر میں اہم سفارتی مشاورت کے لیے ایک بڑا بین الاقوامی پلیٹ فارم سمجھا جا رہا ہے۔یہ فورم رجب طیب اردوان کی سرپرستی میں اور ترکیہ کی وزارتِ خارجہ کی میزبانی میں منعقد کیا جا رہا ہے، جس کا مرکزی موضوع “مستقبل کی نقشہ بندی، غیر یقینی صورتحال کا نظم” رکھا گیا ہے۔ادھر اناطولیہ اس فورم کا عالمی کمیونیکیشن پارٹنر کے طور پر خدمات انجام دے رہا ہے۔