الہام علییف کا آذربائیجان کی آرتھوڈوکس مسیحی برادری کو تہنیتی پیغام

باکو(ترکیہ خبر) صدر آذربائیجان الہام علییف نے آذربائیجان کی آرتھوڈوکس مسیحی برادری کو تہنیتی پیغام دیا اور کہا کہ ملک میں ہر فرد کو اپنی ثقافتی شناخت کے اظہار کی مکمل آزادی حاصل ہے۔صدر علییف نے پیغام میں کہا کہ آذربائیجان میں زبان، مذہب یا قومیت سے بالاتر ہو کر تمام شہریوں کے لیے جامع جمہوری اور قانونی حالات فراہم کیے گئے ہیں، تاکہ وہ اپنی نسلی اور ثقافتی شناخت کو محفوظ رکھ سکیں اور اسے فروغ دے سکیں۔ انہوں نے یہ بھی کہا کہ مسیحی شہری ملک کی عوامی، سیاسی اور ثقافتی زندگی میں بھرپور کردار ادا کر رہے ہیں اور آذربائیجان کی ترقی و خوشحالی میں حصہ ڈال رہے ہیں۔صدر مملکت نے مذہبی ہم آہنگی اور باہمی احترام کے فروغ کے لیے ملک کے عزم کو دہرایا اور کہا کہ مختلف مذاہب اور ثقافتوں کے درمیان رواداری آذربائیجان کی سماجی ہم آہنگی اور استحکام کی بنیاد ہے۔