آذربائیجان نے اسرائیل سے اپنے تعلقات مضبوط اور وسیع قراردیدئیے

آذربائیجان( ترکیہ خبر)آذربائیجان کے وزیر خارجہ جی ہون بایراموف نے آذربائیجان اور اسرائیل کے تعلقات کو مستحکم اور تیزی سے وسیع ہونے والا قرار دیا، اور اسے اسٹریٹجک شراکت قرار دیا۔باکو میں اسرائیلی وزیر خارجہ گڈیون سار کے ساتھ مشترکہ پریس بریفنگ کے دوران بایراموف نے کہا کہ آذربائیجان،اسرائیل تعلقات ہر سال مثبت انداز میں فروغ پا رہے ہیں۔ انہوں نے بتایا کہ باقاعدہ سیاسی مشاورت، اسٹریٹجک ڈائیلاگز اور پارلیمانی دوستی گروپس دوطرفہ تعاون کو مضبوط کرنے میں اہم کردار ادا کر رہے ہیں۔وزیر خارجہ نے کہا کہ ان کی اسرائیلی ہم منصب کے ساتھ بات چیت میں اقتصادی تعاون، جاری مشترکہ منصوبے اور دوطرفہ تعلقات کے دائرے میں نئے مواقع زیر غور آئے۔بایراموف نے آذربائیجان میں اسرائیلی کاروبار کی بڑھتی ہوئی موجودگی پر بھی روشنی ڈالی اور بتایا کہ اس وقت 124 اسرائیلی کمپنیاں مختلف منصوبے ملک میں انجام دے رہی ہیں۔ انہوں نے کہا کہ آذربائیجان موجودہ سطح کے اقتصادی تعاون سے مطمئن ہے۔اسرائیلی وزیر خارجہ گڈیون سار نے کہا کہ اسرائیل آذربائیجان کے ساتھ تجارتی اور اقتصادی تعلقات مزید بڑھانے پر توجہ مرکوز کر رہا ہے۔