آذربائیجان اوپن الپائن اسکینگ: جارجیا کی نینو تسیکلاوری فاتح

باکو( ترکیہ خبر) آذربائیجان ونٹر اسپورٹس فیڈریشن اور شاہداغ ماؤنٹین ریزورٹ کے اشتراک سے اور انٹرنیشنل اسکائی و سنوبورڈ فیڈریشن (FIS) کے کیلنڈر کے تحت ہونے والے "آذربائیجان اوپن” بین الاقوامی الپائن اسکینگ ٹورنامنٹ کے پہلے دن کے فاتحین کا اعلان کر دیا گیا ہے۔جارجیا کی الپائن اسکیئر نینو تسیکلاوری نے پہلی پوزیشن حاصل کی، جبکہ سویڈن کے نکیٹا اینر دوسری اور ازبک اسکیئر کسینیا بریژنایا تیسری پوزیشن پر رہیں۔دو روزہ ٹورنامنٹ میں آذربائیجان، سوئٹزرلینڈ، ہنگری، سلووینیا، جارجیا، ہانگ کانگ، سعودی عرب، ترکی، نیپال اور ازبکستان کی 20 خواتین کھلاڑی حصہ لے رہی ہیں۔ آذربائیجان کی نمائندگی الپائن اسکیئر اناستاسیا پاپاتوما کر رہی ہیں۔ٹورنامنٹ 10 جنوری تک جاری رہے گا، جس میں کھلاڑی سلیلم اور جائنٹ سلیلم کے مقابلوں میں چیمپئن شپ کے اعزازات کے لیے مدِ مقابل ہوں گے۔