اردوان نے انڈونیشیا کے صدر کا انقرہ میں پرتپاک استقبال کیا

انقرہ( ترکیہ خبر) ترکیہ کے صدر رجب طیب اردوان نے بدھ کے روز انڈونیشیا کے صدر پرابوو سوبیانتو کا دارالحکومت انقرہ کے اسن بوغا ہوائی اڈے پر باضابطہ استقبال کیا۔ اس موقع پر وزیرِ دفاع یاشار گولر، انقرہ کے گورنر واصپ شاہین، دفاعی صنعت کے ادارے کے سربراہ ہلوک گورگن اور دیگر اعلی حکومتی حکام بھی موجود تھے۔ترکیہ کی کمیونیکیشن ڈائریکٹوریٹ کے مطابق، صدر سوبیانتو تین روزہ انطالیہ ڈپلومیسی فورم 2025 میں شرکت کریں گے، جو جمعہ کو انطالیہ میں شروع ہوگا۔ وہ جمعرات کو ترک گرینڈ نیشنل اسمبلی سے بھی خطاب کریں گے، جس کے لیے خصوصی اجلاس اور سخت سیکیورٹی کے انتظامات کیے گئے ہیں۔یہ دورہ ایسے وقت میں ہو رہا ہے جب ترکیہ اور انڈونیشیا اپنے سفارتی تعلقات کے 75 سال مکمل ہونے کا جشن منا رہے ہیں۔ اس سال فروری میں صدر اردوان کے انڈونیشیا دورے کے دوران دونوں ممالک نے دوطرفہ تعاون کو فروغ دینے کے لیے 13 نئے معاہدوں پر دستخط کیے تھے۔صدر اردوان نے اس موقع پر فلسطین کے مسئلے پر انڈونیشیا کے مقف کو سراہا اور غزہ کی تعمیرِ نو کے لیے مشترکہ کوششوں کے عزم کا اظہار کیا، جبکہ صدر سوبیانتو نے ترکیہ کے ساتھ دفاعی تعاون کو مزید مضبوط بنانے کی ضرورت پر زور دیا۔