شمالی قبرص کی قومی سلامتی اجلاس میں ہنگامی جائزہ

انقرہ ( ترکیہ خبر) ترک جمہوریہ شمالی قبرص کے قومی سلامتی کونسل نے صدر توفان ارہورمان کی صدارت میں خطے میں پیش رفت کا جائزہ لیا، خاص طور پر امریکہ اور اسرائیل کے ایران پر مشترکہ حملے اور تہران کی جوابی کارروائی کے پیش نظر۔صدر ارہورمان کی درخواست پر ہونے والے اجلاس میں اہم سینئر حکام شریک ہوئے، جن میں پارلیمنٹ کے اسپیکر، وزیرِاعظم، وزیر خارجہ و داخلہ، سیکورٹی فورسز کے کمانڈر، اہم اپوزیشن پارٹی کے سربراہ اور سول ڈیفنس کے سربراہ شامل تھے۔صدر دفتر کے بیان کے مطابق، اجلاس میں امریکہ اور اسرائیل کی جانب سے ایران کے خلاف بڑے پیمانے پر حملوں سے پیدا ہونے والی صورت حال اور شمالی قبرص پر مختلف ممکنہ اثرات کا تفصیلی جائزہ لیا گیا۔ہفتے کو امریکہ اور اسرائیل نے ایران کے خلاف ایک بڑے حملے کا آغاز کیا، جس کے نتیجے میں کئی اعلیٰ ایرانی عہدیدار ہلاک ہوئے، جن میں سپریم لیڈر آیت اللہ علی خامنہ ای بھی شامل تھے۔ جواباً ایران نے اسرائیل اور مشرقِ وسطیٰ میں امریکی فوجی مراکز پر ڈرون اور میزائل حملے کیے، جس سے خطے میں کشیدگی مزید بڑھ گئی۔