آذربائیجان کی اقوام متحدہ اجلاس میں صدارت، ایشیا پیسفک میں جامع ترقی پر زور

آذربائیجان ( ترکیہ خبر)آذربائیجان کے وزیر خارجہ جیہون بیراموف نے اقوام متحدہ کے ایشیا و بحرالکاہل کے لیے اقتصادی و سماجی کمیشن (ایسکاپ) کے 82ویں اجلاس کی صدارت کی، جو"کسی کو پیچھے نہ چھوڑیں: ایشیا اور بحر الکاہل میں تمام عمروں کے لیے معاشرے کو آگے بڑھانا"کے عنوان کے تحت منعقد ہوا۔آذربائیجان کی وزارت خارجہ کے مطابق اجلاس کے آغاز میں جمہوریہ آذربائیجان کے صدر الہام علییف کا تحریری پیغام وزیر خارجہ نے پڑھ کر سنایا۔اجلاس میں خطے میں مشترکہ چیلنجز سے نمٹنے اور ترقی کے ثمرات تمام طبقات تک پہنچانے کے لیے علاقائی تعاون کو مضبوط بنانے پر زور دیا گیا۔آذربائیجان نے جامع ترقی، ڈیجیٹل تبدیلی، سبز توانائی کی منتقلی، علاقائی رابطہ کاری اور امن سازی سمیت مختلف پالیسی نکات پیش کیے۔اجلاس میں “آذربائیجان 2030” کے ترقیاتی اہداف بھی اجاگر کیے گئے، جن میں تعلیم، صحت، ڈیجیٹل خدمات اور مساوی مواقع کی فراہمی شامل ہے۔شرکاء نے یوریشیا میں رابطہ کاری کے لیے “مڈل کوریڈور” کی اسٹریٹجک اہمیت پر بھی تبادلہ خیال کیا۔اجلاس کے اختتام پر “باکو-بنگکاک اعلامیہ” منظور کیا گیا، جس میں ایشیا پیسفک خطے میں تمام عمر کے افراد کے لیے سماجی ترقی کو فروغ دینے کے عزم کا اظہار کیا گیا۔آذربائیجان نے اس موقع پر کثیرالجہتی سفارت کاری میں فعال کردار جاری رکھنے اور خطے کے ساتھ تعاون مزید بڑھانے کے عزم کا اعادہ کیا۔