آذربائیجان، بلغاریہ میں توانائی اور ٹرانسپورٹ تعاون بڑھانے پر گفتگو

باکو( تر کیہ خبر)آذربائیجان کے وزیر خارجہ جیحون بایراموف نے اقوام متحدہ کی جنرل اسمبلی کے 81ویں اجلاس کے موقع پر بلغاریہ کی وزیر خارجہ ویلیسلاوا پیٹرووا سے ملاقات کی۔آذرتاج کے مطابق ملاقات میں دونوں رہنماؤں نے تزویراتی شراکت داری کے ایجنڈے پر تبادلہ خیال کیا، جس میں سیاسی روابط، توانائی تعاون، بلغاریہ کو آذربائیجان کی گیس کی فراہمی بڑھانے، قابلِ تجدید توانائی کے منصوبوں اور وسطی راہداری کے ذریعے نقل و حمل و رابطوں کے امور شامل تھے۔وزرائے خارجہ نے آذربائیجان اور یورپی یونین کے باہمی تعاون کے ساتھ ساتھ خطے میں جاری پیش رفت پر بھی تبادلہ خیال کیا۔