آذربائیجان اور بنگلہ دیش کا سفارتی پاسپورٹ ویزا معافی معاہدہ
باکو( تر کیہ خبر)اقوام متحدہ کی جنرل اسمبلی کے 81ویں اجلاس کے موقع پر آذربائیجان کے وزیر خارجہ جیحون بایراموف اور بنگلہ دیش کے وزیر خارجہ خلیل الرحمن نے سفارتی، سرکاری اور سروس پاسپورٹ رکھنے والے افراد کے لیے ویزا شرائط ختم کرنے کے معاہدے پر دستخط کر دیے۔آذرتاج کے مطابق معاہدہ دونوں ممالک کے درمیان سرکاری روابط کو فروغ دینے اور باہمی مفاد پر مبنی شراکت داری کا دائرہ وسیع کرنے میں اہم کردار ادا کرے گا۔دستخط کی تقریب کے بعد دونوں وزرائے خارجہ نے آذربائیجان اور بنگلہ دیش کے باہمی تعلقات کی موجودہ صورتحال اور مستقبل میں تعاون کے امکانات پر تبادلہ خیال کیا۔مذاکرات میں سیاسی رابطوں کو مضبوط بنانے، تجارت و معاشی تعاون بڑھانے اور تعلیم و انسانی شعبوں میں تعلقات کو مزید فروغ دینے پر خصوصی توجہ دی گئی۔