صحافیوں پر حملے اور پیشہ ورانہ فرائض میں رکاوٹ ناقابل قبول ہیں، آذربائیجان میڈیا کونسل

باکو ( تر کیہ خبر) آذربائیجان کی میڈیا و نشریاتی کونسل نے صحافیوں پر حملوں، جسمانی تشدد اور پیشہ ورانہ ذمہ داریوں کی ادائیگی میں رکاوٹیں ڈالنے پر تشویش کا اظہار کیا ہے۔کونسل کے جاری کردہ بیان میں کہا گیا ہے کہ حالیہ دنوں میں صحافیوں کو واقعات کی کوریج کے دوران نشانہ بنانے اور ان کے کام میں مداخلت کے واقعات سامنے آئے ہیں۔ ایسے اقدامات نہ صرف صحافیوں کی سلامتی کے لیے خطرہ ہیں بلکہ عوام کے معلومات حاصل کرنے کے حق میں بھی مداخلت ہیں۔بیان کے مطابق آذربائیجان کے قانونِ میڈیا کے آرٹیکل 6 کے تحت صحافیوں کی پیشہ ورانہ سرگرمیوں میں غیر قانونی مداخلت، ان پر دباؤ ڈالنا اور انہیں ہراساں کرنا ناقابل قبول ہے۔