7
اسلام آباد …کینیڈا نے پاکستان میں مون سون کی شدید بارشوں اور تباہ کن سیلاب سے متاثرہ افراد کی مدد کے لیے 26 لاکھ ڈالر امداد کا اعلان کر دیا ہے۔کینیڈا کے وزیر مملکت رندیپ سرائے نے اس امداد کا سرکاری طور پر اعلان کرتے ہوئے کہا کہ پاکستان میں بارشوں اور سیلاب کے باعث لاکھوں افراد متاثر ہوئے اور متعدد قیمتی جانیں ضائع ہوئیں۔وزیر مملکت نے بتایا کہ امداد انسانیت کے لیے کام کرنے والی تنظیموں کے ذریعے متاثرہ خاندانوں تک پہنچائی جائے گی اور یہ امداد متاثرین کی فوری ضروریات کو پورا کرنے میں معاون ثابت ہوگی۔
