مسقط میں عمان پاکستان کاروباری فورم، دوطرفہ سرمایہ کاری پر زور

اسلام آباد… ایس آئی ایف سی کی کوششوں سے خطے میں پاکستان کے تجارتی اور معاشی روابط مضبوط ہو رہے ہیں۔ اسی سلسلے میں عمان ایوانِ صنعت و تجارت کی جانب سے مسقط میں عمان پاکستان کاروباری فورم کا انعقاد کیا گیا۔فورم میں اعلی حکام، سفارتکار اور کاروباری رہنما شریک ہوئے اور مشترکہ سرمایہ کاری اور نجی شعبے میں باہمی تعاون پر تبادلہ خیال کیا گیا۔کاروباری فورم میں فوڈ سیکیورٹی، اطلاعاتی ٹیکنالوجی، تعلیم، کپڑا سازی اور صحت کے شعبوں میں تعاون پر زور دیا گیا۔ اس کے ساتھ سیاحت، تعمیرات، گاڑیوں کی صنعت اور کھیلوں کے سامان میں شراکت داری کے مواقع بھی اجاگر کیے گئے۔ایس آئی ایف سی کی معاونت سے پاکستان دوطرفہ تعاون اور سرمایہ کاری کو فروغ دینے کے لیے بھرپور اقدامات کر رہا ہے۔