ترکیہ کی وزارت داخلہ نے رہائشی اجازت ناموں سے متعلق اہم تبدیلی کا اعلان کیا ہے۔ ملک کے مختلف شہروں میں “بند محلے” کی فہرست میں مزید محلے شامل کر دیے گئے ہیں، جس کے باعث غیر ملکیوں کے لئے ترکی میں رہائشی اجازت نامہ حاصل کرنا مزید سخت ہو جائے گا۔
ترکیہ میں غیر ملکیوں کے لئے رہائشی اجازت نامے کی پالیسیوں میں اس تبدیلی کا مقصد ملک میں آبادکاری کی بہتر نگرانی اور غیر ملکیوں کے خلاف بڑھتے ہوئے خدشات کو حل کرنا ہے۔ وزارت داخلہ کے مطابق اس فیصلے کا مقصد غیر ملکیوں کی غیرقانونی رہائش کو روکنا اور ان کے سماجی و اقتصادی اثرات کو بہتر بنانا ہے۔
رہائشی اجازت نامہ حاصل کرنے والے افراد کے لیے اب ان محلے یا علاقوں میں رہائش اختیار کرنا مشکل ہوگا جو “بند محلے” کی فہرست میں شامل ہیں۔ اس فہرست میں اضافے کے بعد، ان محلے میں رہنے والے غیر ملکیوں کے لئے رہائشی اجازت نامہ حاصل کرنا یا تو دوبارہ تجدید کرنا مشکل ہو جائے گا۔
اس نئی پالیسی کا اثر ترکیہ کے مختلف شہروں میں محسوس کیا جائے گا، جہاں غیر ملکیوں کی تعداد زیادہ ہے۔ وزارت داخلہ نے اس فیصلے کو اس بات کو یقینی بنانے کے لئے ضروری قرار دیا ہے کہ غیر ملکیوں کی رہائش میں کوئی غیر قانونی سرگرمیاں یا مسائل پیدا نہ ہوں۔
یہ اقدام ملک میں رہائشی اجازت ناموں کی پالیسی میں مزید سختی لانے کا حصہ ہے، جس کا مقصد ترکی میں غیر قانونی رہائش اور غیر ملکیوں کی غیر ضروری آبادکاری کو روکنا ہے۔
