116
ترکیہ کے معروف راک گلوکار ہالوک لیونٹ نے 30 اپریل کو استنبول میں ہونے والے اپنے کنسرٹ کی تمام آمدنی اقوام متحدہ کے غزہ امدادی فنڈ میں عطیہ کرنے کا اعلان کیا ہے۔ ہالوک لیونٹ نے اپنے اس اقدام کو غزہ کے متاثرین کے لیے حمایت اور آگاہی پھیلانے کا ایک ذریعہ قرار دیا۔ انہوں نے امریکی سابق صدر ڈونلڈ ٹرمپ کے غزہ سے متعلق حالیہ بیان پر تشویش کا اظہار کیا اور اس بیان کو “ہم سب کے لیے تکلیف دہ” قرار دیا۔ لیونٹ کا کہنا تھا کہ وہ اقوام متحدہ کے حکام کے ساتھ فلسطینیوں کی امداد کے لیے ملاقات کر چکے ہیں اور یورپ و استنبول میں مزید کنسرٹس کے انعقاد پر بات چیت کی ہے۔ ہالوک لیونٹ نے کہا، یہ رقم غزہ کے لیے بہت زیادہ نہیں ہو سکتی، مگر یہ علامتی اہمیت رکھتی ہے۔ ہمارا مقصد اس مسئلے کے بارے میں آگاہی پھیلانا ہے۔
