صدر رجب طیب ایردوان کا صدر الہام علیوف سے ٹیلیفونک رابطہ، طیارہ حادثے پر اظہارِ افسوس

25 دسمبر کو ترکیہ کے صدر رجب طیب ایردوان نے آذربائیجان کے صدر الہام علیوف سے طیارہ حادثے پر اظہارِ تعزیت کے لیے ٹیلیفونک رابطہ کیا۔ یہ حادثہ قازقستان کے شہر اکتاؤ کے قریب پیش آیا۔ صدر ایردوان نے حادثے کے متاثرین کے خاندانوں سے گہری ہمدردی کا اظہار کیا اور زخمیوں کی جلد صحتیابی کی دعا کی۔ صدر علیوف نے مشکل وقت میں توجہ اور تعزیت کے لیے ترک صدر کا شکریہ ادا کیا۔