ترکیہ کے تاریخی شہر انطالیہ میں چٹانی قبروں کے قریب ایک غیر قانونی مکان کی تعمیر نے ماہرینِ آثارِ قدیمہ اور مقامی حکام کی تشویش بڑھا دی ہے۔ یہ قبریں، جو کہ لائیشین تہذیب کے قدیم آثار میں شامل ہیں، عالمی ثقافتی ورثے کا حصہ سمجھی جاتی ہیں اور سیاحوں کے لیے ایک اہم مرکز ہیں۔
ماہرین کا کہنا ہے کہ یہ غیر قانونی تعمیر نہ صرف تاریخی مقام کی خوبصورتی کو نقصان پہنچا رہی ہے بلکہ اس کے تحفظ کے لیے بھی خطرہ ہے۔ ان کا مطالبہ ہے کہ فوری طور پر اس معاملے کی تحقیقات کی جائیں اور آثارِ قدیمہ کے مقامات کی حفاظت کو یقینی بنایا جائے۔
مقامی حکام نے اس تعمیر کے خلاف کارروائی شروع کر دی ہے۔اور ان کا کہنا ہے کہ ثقافتی ورثے کو محفوظ رکھنے کے لیے سخت اقدامات کیے جائیں گے۔ اس واقعے نے ترکیہ میں تاریخی مقامات کی حفاظت کے حوالے سے عوامی شعور کو مزید اجاگر کرنے کی ضرورت پر زور دیا ہے۔
