83
ترکیہ کے دارالحکومت انقرہ میں ایرو اسپیس اور دفاعی کمپنی (ٹی یو ایس اے ایس) کے ہیڈ کوارٹر پر دہشت گردوں کے حملے کے بعد ملک میں سوشل میڈیا کے تمام بڑے پلیٹ فارمز پر پابندی عائد کر دی گئی ہے۔
برطانوی میڈیا کے مطابق، ترک حکومت کی جانب سے سوشل میڈیا پلیٹ فارمز بشمول ایکس، یوٹیوب، فیس بک، انسٹاگرام، اور ٹِک ٹاک پر پابندی اس وقت عائد کی گئی جب ملک کی ایرو اسپیس انڈسٹریز پر دہشت گردوں نے حملہ کیا۔ اس حملے کے نتیجے میں 5 افراد جاں بحق اور 20 سے زائد زخمی ہوئے۔
سائبر سیکیورٹی اور ڈیجیٹل گورننس کی نگرانی کرنے والی عالمی انٹرنیٹ آبزرویٹری نیٹ بلاکس نے سوشل میڈیا ویب سائٹ ایکس پر ترکیہ میں سوشل میڈیا پلیٹ فارمز پر پابندی عائد ہونے کا اعلان کیا ہے۔ یہ واضح نہیں ہے کہ ترکیہ میں سوشل میڈیا پلیٹ فارمز پر عائد کی گئی حالیہ پابندی کا دورانیہ کیا ہوگا۔
