شوشہ میں ترک ریاستوں کی تنظیم کا مسابقتی فورم، علاقائی اقتصادی تعاون پر اہم اجلاس

شوشہ( ترکیہ خبر)شوشہ میں ترک ریاستوں کی تنظیم کے تحت مسابقتی فورم اور مسابقتی اداروں کے سربراہان کا تیسرا اجلاس شروع ہو گیا ہے۔یہ تقریب آذربائیجان کے صدر کے تحت قائم ریاستی ادارے برائے انسداد اجارہ داری اور صارف منڈی کنٹرول کے زیر اہتمام منعقد کی گئی ہے۔اجلاس میں ترک ریاستوں کی تنظیم کے رکن ممالک آذربائیجان، ترکی، قازقستان، کرغزستان، ازبکستان، ہنگری اور شمالی قبرصی ترک جمہوریہ کے مسابقتی اداروں کے سربراہان اور اعلیٰ حکام شریک ہوئے۔اس کے علاوہ تنظیم کے نائب سیکرٹری جنرل، مختلف سرکاری اداروں کے نمائندے اور نجی شعبے کے نمائندے بھی اجلاس میں موجود ہیں۔اجلاس کی رسمی افتتاحی تقریب کے بعد ایک پینل مباحثہ بھی منعقد کیا جائے گا جس میں خطے میں مسابقتی پالیسی کو تنظیم کے اقتصادی تعاون کے بنیادی محرک کے طور پر فروغ دینے پر غور کیا جائے گا۔