قدیم رومی سڑکوں کے نظام میں استنبول اور انقرہ کو روم سے زیادہ مرکزی حیثیت حاصل تھی

استنبول (ترکیہ خبر) ایک بین الاقوامی تحقیقی مطالعے میں انکشاف ہوا ہے کہ رومی سلطنت کے دور میں موجودہ ترکیہ کے دو بڑے شہر استنبول اور انقرہ، سڑکوں کے وسیع نظام میں دارالحکومت روم سے بھی زیادہ اہم رابطہ مراکز کی حیثیت رکھتے تھے۔تحقیق میں تقریباً 299,000 کلومیٹر طویل قدیم شاہراہوں کا جائزہ لیا گیا، جس سے معلوم ہوا کہ ان راستوں نے نہ صرف قدیم دور میں نقل و حرکت اور مواصلات کو فروغ دیا بلکہ آج کے جدید ذرائع آمدورفت کے نظام پر بھی گہرے اثرات مرتب کیے ہیں۔نیچر کمیونیکیشنز نامی سائنسی جریدے میں شائع ہونے والی اس تحقیق میں ریاضیاتی ماڈلز اور نیٹ ورک سائنس کی مدد سے رومی سلطنت کے ذرائع نقل و حمل کا تجزیہ کیا گیا۔محققین نے دریافت کیا کہ قدیم بازنطینیہ (موجودہ استنبول)، انقرہ، انطاکیہ (موجودہ انطاکیہ) اور یونان کے شہر کرنتھس کو سلطنت کے سڑکوں کے نظام میں رابطے کے اہم مراکز ہونے کے اعتبار سے روم پر برتری حاصل تھی۔تحقیق کے نتائج سے یہ بھی ثابت ہوا کہ تقریباً 2,000 سال قبل تعمیر ہونے والی بعض شاہراہیں آج بھی یورپ، مشرق وسطیٰ اور شمالی افریقہ کے جدید سفری اور مواصلاتی ڈھانچے کی تشکیل پر اثر انداز ہو رہی ہیں۔