صدر الہام علی یف کا پوپ لیو ایکس ایل وی کو تہنیتی پیغام، بین المذاہب ہم آہنگی پر زور

باکو( ترکیہ خبر)آذربائیجان اور ہولی سی (مقدس تختِ روم) کے درمیان باہمی احترام اور افہام و تفہیم پر مبنی تعلقات میں مسلسل بہتری اور نئی جہتوں کے اضافے پر اطمینان کا اظہار کیا گیا ہے۔آذربائیجان کے صدر الہام علی یف نے پوپ لیو XIV کو ان کی تاجپوشی کے دن کے موقع پر تہنیتی پیغام ارسال کیا، جس میں کہا گیا کہ یہ تعلقات دنیا میں بین المذاہب ہم آہنگی، ثقافتی تنوع کے فروغ اور تہذیبوں کے درمیان اعتماد کے ماحول کے قیام میں اہم کردار ادا کر رہے ہیں۔صدر نے اپنے پیغام میں کہا کہ آذربائیجان دنیا میں کثیرالثقافتی معاشرے کی ایک مثال کے طور پر پہچانا جاتا ہے، جہاں مذہبی اور نسلی تنوع کو قومی دولت سمجھ کر محفوظ کیا جاتا ہے اور تمام مذاہب کے ماننے والوں کے لیے مساوی مواقع فراہم کیے جاتے ہیں۔انہوں نے اس بات پر فخر کا اظہار کیا کہ آذربائیجان ایک ایسا ملک ہے جہاں مختلف عقائد اور مذاہب سے تعلق رکھنے والے افراد باہمی احترام، امن اور ہم آہنگی کے ماحول میں زندگی بسر کرتے ہیں۔