پاکستان میں تعینات کے سفیر نے پیرو کے صدر کو اسنادِ سفارت پیش کر دیں

میکسیکو( ترکیہ خبر)آذربائیجان کے پاکستان میں تعینات سفیر سیمور فتح علی یوف نے پیرو کے صدر خوسے ماریا بالکازار زیلادا کو اپنی اسنادِ سفارت پیش کیں۔آذربائیجان کی خبر رساں ایجنسی کے مطابق ملاقات کے دوران سفیر نے پیرو کے صدر کو آذربائیجان کے صدر الہام علییف کی نیک خواہشات اور سلام پہنچائے۔پیرو کے صدر نے اس موقع پر خیرسگالی کا اظہار کرتے ہوئے اپنی جانب سے بھی آذربائیجان کے صدر کے لیے نیک تمناؤں اور سلام کا پیغام بھجوایا۔ملاقات میں دونوں ممالک کے درمیان دو طرفہ تعلقات کے فروغ، بین الاقوامی تنظیموں میں تعاون، اور اقتصادی، تجارتی، توانائی، سیاحت اور دیگر شعبوں میں تعاون بڑھانے کے امکانات پر تبادلہ خیال کیا گیا۔فریقین نے اس بات پر بھی اطمینان کا اظہار کیا کہ دونوں ممالک کے درمیان سفارتی تعلقات کے قیام کے 30 سال مکمل ہو رہے ہیں اور اس موقع کو مثبت انداز میں منانے پر اتفاق کیا گیا۔تقریب میں پیرو کے وزیر خارجہ کارلوس خوسے پارےجا ریوس بھی موجود تھے۔واضح رہے کہ سفیر سیمور فتح علی یوف نے 11 جون کو بھی پیرو کی وزارت خارجہ میں اپنے اسناد کی نقول جمع کرائی تھیں، جہاں انہوں نے پروٹوکول اور رسمی امور کے سربراہ کو دستاویزات پیش کی تھیں۔