سڑکوں سے چار گھر تک: یوگیش تریپاٹھی کی شاندار کامیابی

ممبئی …بھارتی ٹی وی انڈسٹری کے اداکار یوگیش تریپاٹھی نے دکھایا کہ محنت اور لگن سے خواب حقیقت بن سکتے ہیں۔مشہور ڈرامے بھابھی جی گھر پر ہیں میں ہاپو سنگھ کے کردار سے شہرت پانے والے یوگیش تریپاٹھی کے پاس کبھی رہنے کو گھر نہیں تھا اور وہ ممبئی کے چھترپتی شیواجی ٹرمینل ریلوے اسٹیشن پر راتیں گزارتے تھے۔ 2004 میں اتر پردیش سے ممبئی منتقل ہونے کے بعد انہوں نے اسٹیج پر بطور بیک گرانڈ آرٹسٹ کام کیا اور اخراجات پورے کرنے کے لیے سڑکوں پر قلم بھی فروخت کیے۔یوگیش نے اپنے گھر والوں کو بتایا کہ وہ کمپیوٹر کورس کر رہے ہیں جبکہ وہ تھیٹر اور اداکاری میں محنت کر رہے تھے۔ 2007 میں ایک اشتہار کے ذریعے ٹی وی اسکرین پر قدم رکھنے کے بعد انہیں ڈرامہ ایف آئی آر میں کردار ملا اور اس کے بعد متعدد پراجیکٹس میں حصہ لیا۔اب یوگیش تریپاٹھی چار گھر کے مالک ہیں اور تقریبا 24 لاکھ روپے ماہانہ کماتے ہیں۔ انہوں نے کہا کہ یہ مقام حاصل کرنے کے لیے انہوں نے بیحد محنت اور لگن سے کام کیا اور آج بھی وہ اپنے کام سے بیحد محبت کرتے ہیں۔