53
جکارتہ… انڈونیشیا کے جزیرہ جاوا میں ایک کمیونٹی ہال کی عمارت گرنے سے کم از کم 3 افراد جاں بحق اور 84 زخمی ہوگئے۔یہ واقعہ مغربی جاوا کے ضلع بوگور میں اس وقت پیش آیا جب تقریبا 100 افراد، جن میں زیادہ تر خواتین شامل تھیں، میلاد النبی کے موقع پر قرآن خوانی کے لیے جمع تھے۔مقامی ڈیزاسٹر مینجمنٹ ایجنسی کے افسر محمد آدم حمدانی کے مطابق عمارت زیادہ رش برداشت نہ کر سکی اور اچانک منہدم ہوگئی۔ زخمیوں میں زیادہ تر افراد کو معمولی چوٹیں آئیں اور سب کو اسپتال منتقل کر کے ریسکیو کر لیا گیا ہے۔
