بیرون ملک پاکستانی ہمارا قیمتی سرمایہ ہیں:وزیراعظم شہباز شریف

اسلام آباد…وزیراعظم شہباز شریف نے کہا ہے کہ بیرون ملک مقیم پاکستانی ملک کا قیمتی سرمایہ ہیں اور انہیں ہر ممکن سہولت فراہم کرنا حکومت کی اولین ترجیح ہے۔یہ بیان انہوں نے چیئرمین اوورسیز پاکستانی فانڈیشن (او پی ایف) قمر رضا اور مینیجنگ ڈائریکٹر افضال بھٹی سے ملاقات کے دوران دیا۔ ملاقات میں وزیراعظم کو معرکہ حق میں پاکستان کی فتح کے حوالے سے بیرون ملک منعقد ہونے والی تقریبات اور پاکستانیوں کے مسائل سے بریفنگ دی گئی۔وزیراعظم نے کہا کہ عالمی مارکیٹ میں بیرون ملک مقیم پاکستانی ایک مضبوط افرادی قوت کے طور پر خدمات انجام دے رہے ہیں اور حکومت ان کی فلاح و بہبود کے لیے ہر ممکن اقدامات کر رہی ہے۔