سونے کی قیمتیں تاریخ کی بلند ترین سطح پر پہنچ گئیں

کراچی…سونے کی قیمتوں میں زبردست اضافہ ریکارڈ کیا گیا ہے، جس کے بعد عالمی اور مقامی مارکیٹوں میں نئی بلند ترین سطحیں سامنے آئیں۔بین الاقوامی بلین مارکیٹ میں آج پیر کو فی اونس سونے کی قیمت میں 61 ڈالر کا اضافہ ہوا اور نئی عالمی قیمت 3 ہزار 613 ڈالر فی اونس تک پہنچ گئی۔مقامی صرافہ بازاروں میں بھی 24 قیراط کے حامل فی تولہ سونے کی قیمت میں 6 ہزار 100 روپے کا اضافہ ریکارڈ کیا گیا، جس کے بعد نئی قیمت 3 لاکھ 84 ہزار روپے ہو گئی۔ اسی طرح فی 10 گرام سونے کی قیمت 5 ہزار 230 روپے بڑھ کر 3 لاکھ 29 ہزار 219 روپے کی بلند ترین سطح پر پہنچ گئی۔ماہرین کے مطابق سونے کی قیمتوں میں یہ اضافہ عالمی مارکیٹ میں طلب، کرنسی کی قدر اور سرمایہ کاری کے رجحانات کی وجہ سے ہوا ہے۔