روکٹسان کے عالمی اٽرورسوخ میں اضافہ، ترکیہ کے دفاعی شعبے میں ریکارڈ ترقی

ترکیہ کی دفاعی صنعت تیزی سے ترقی کر رہی ہے اور روکٹسان اپنے عالمی اثر و رسوخ کو بڑھا رہا ہے۔ انقرہ میں اسٹریٹجک بزنس پارٹنرشپ سمٹ کے دوران، ترکیہ کے دفاعی صنعتوں کے صدر دفتر (SSB) کے چیئرمین ہالوک گورگون اور روکٹسان کے جنرل منیجر مراد ایکنچی نے اس شعبے کی نمایاں ترقی اور آئندہ اہداف پر روشنی ڈالی۔ روکٹسان کے جنرل منیجر مراد ایکنچی نے سمٹ میں اعلان کیا کہ کمپنی 2025 کے اختتام تک 1.8 بلین ڈالر کی آمدنی تک پہنچنے کا ہدف رکھتی ہے، جو 2024 میں 1.28 بلین ڈالر سے ایک بڑی اضافہ ہے۔ انہوں نے مزید کہا کہ کمپنی کی کاروباری پورٹ فولیو کی 1.5 گنا ترقی کی توقع ہے۔
ترکیہ کی دفاعی صنعت نے 2025 کے پہلے دو ماہ میں 1.5 بلین ڈالر کے نئے معاہدے کئے ہیں، اور 2024 کے مقابلے میں 34 فیصد اضافہ دیکھا گیا ہے۔ روکٹسان نے عالمی سطح پر نئے پیداواری مراکز قائم کرنے کا منصوبہ بنایا ہے، جن میں آذربائیجان، سعودی عرب اور انڈونیشیا شامل ہیں۔مزید برآں، کمپنی کی حکمت عملی میں عالمی سطح پر شراکت داری اور برآمدات پر زور دیا گیا ہے، جس سے اس کی ترقی میں اضافہ متوقع ہے۔