پاکستان اور ترکیہ کے درمیان فضائی اور دفاعی تعاون کو مزید بڑھائیں گے : پاکستانی وزیرِ تجارت

پاکستان کے وزیرِ تجارت، جام کمال خان نے پاکستان اور ترکیہ کے درمیان فضائیہ اور دفاعی شعبے میں تعاون کو مزید مستحکم کرنے پر زور دیا۔ ان خیالات کا اظہار انہوں نے ترک ایرو اسپیس پاکستان کے دفتر کا دورہ کرتے ہوئے کیا۔ اس دوران وزیرِ تجارت نے پاکستان کے جدید تحقیقاتی اور ترقیاتی شعبوں میں ہو رہے انقلابی اقدامات کا جائزہ لیا۔ ترک ایرو اسپیس انڈسٹریز، جو کہ جدید دفاعی حل فراہم کرنے والی ایک اہم کمپنی ہے، پاکستان میں اپنی سرگرمیاں بڑھا رہی ہے۔ وزیرِ تجارت نے ترک ایرو اسپیس پاکستان کی کوششوں کی حمایت کی اور حکومت، تعلیمی اداروں اور نجی شعبے کے درمیان شراکت داری کی اہمیت پر زور دیا۔