ترکیہ یورپی یونین سے رکنیت کے التوا پر نئی حکمت عملی کی توقع رکھتا ہے

ترکیہ نے یورپی یونین سے اپنی رکنیت کے حوالے سے نئی حکمت عملی کی توقع کا اظہار کیا ہے، کیونکہ رکنیت کے عمل میں کافی عرصے سے سست روی دیکھنے کو مل رہی ہے۔ ترک حکام کا کہنا ہے کہ انہیں امید ہے کہ یورپی یونین ترکیہ کے ساتھ اپنے تعلقات میں ایک نئی اور متحرک حکمت عملی اپنائے گا تاکہ اس بات کو یقینی بنایا جا سکے کہ دونوں کے درمیان تعاون اور تعلقات مزید مضبوط ہوں۔
ترکیہ کے وزیرِ خارجہ حاقان فیدان نے کہا کہ یہ نئی حکمت عملی یورپی یونین اور ترکیہ کے درمیان شراکت داری کو مزید مستحکم کرنے میں مدد دے گی اور دونوں فریقوں کے درمیان طویل المدتی تعلقات کے لیے راستہ ہموار کرے گی۔ترکیہ نے یورپی یونین سے مطالبہ کیا ہے کہ وہ اس کے ساتھ رکنیت کے عمل کو دوبارہ تیز کرے اور اس عمل میں مزید شفافیت لائے تاکہ دونوں طرف کے مفادات کی تکمیل کی جا سکے۔