ترکیہ کی بحریہ کی جدید کاری، بلو ہیوم لینڈ منصوبے کے تحت دفاعی قوت میں اضافہ

ترکیہ نے اپنی بحریہ کی جدید کاری کے لیے “بلو ہیوم لینڈ” کے تصور کو اپنایا ہے، جس کا مقصد ترکیہ کے سمندری علاقوں اور ساحلی حدود کی حفاظت کو مضبوط کرنا ہے۔ اس منصوبے کے تحت ترکیہ نے جدید جنگی جہازوں، سب میرینز اور ایئرکرافٹ کیریئرز کی تیاری کی ہے، جس سے اس کی دفاعی صلاحیتوں میں نمایاں اضافہ ہوا ہے۔

بلو ہیوم لینڈ کے ذریعے ترکیہ کی بحریہ نہ صرف اپنے دفاع کو مستحکم کر رہی ہے بلکہ عالمی سمندری راستوں کی سیکیورٹی کو بھی یقینی بنا رہی ہے۔ جدید ٹیکنالوجی سے لیس جنگی ساز و سامان نے ترکیہ کو خطے میں ایک مضبوط بحری طاقت کے طور پر ابھار دیا ہے۔یہ منصوبہ ترکیہ کی عالمی سطح پر دفاعی حکمت عملی اور سمندری پوزیشن کو مزید مستحکم کرنے میں اہم کردار ادا کر رہا ہے، جس سے اس کی دفاعی پوزیشن اور عالمی تعلقات میں بھی بہتری آئی ہے۔