یورپی یونین کمیشن کی صدر ارسلا فان ڈیرلین کا ترکیہ کے اسٹریٹجک پارٹنر کے طور پر اہمیت پر زور

یورپی یونین کی کمیشن کی صدر ارسلا فان ڈیر لین نے ترکیہ کے دورے سے قبل کہا ہے کہ ترکیہ یورپی یونین کے لیے ایک اسٹریٹجک پارٹنر کی حیثیت رکھتا ہے اور دونوں فریقوں کے تعلقات کو مزید مضبوط کرنے کی ضرورت ہے۔ انہوں نے اس بات پر زور دیا کہ ترکیہ کی اہمیت نہ صرف یورپ کے لیے بلکہ عالمی سطح پر بھی بڑھتی جا رہی ہے۔
یورپی کمیشن کی صدر نے ترکیہ کے ساتھ معاشی، تجارتی اور سیاسی تعلقات کو فروغ دینے کے لیے اقدامات اٹھانے کی ضرورت پر بھی بات کی۔ ان کا کہنا تھا کہ ترکیہ اور یورپی یونین کے درمیان تعاون عالمی چیلنجز سے نمٹنے کے لیے ضروری ہے، خاص طور پر سلامتی، توانائی، اور پناہ گزینی کے مسائل میں۔انہوں نے مزید کہا کہ ترکیہ اور یورپی یونین کے درمیان تعلقات کو مزید بہتر بنانے کے لیے دونوں فریقوں کو اپنے مفادات اور چیلنجز کو سمجھتے ہوئے ایک دوسرے کے ساتھ مل کر کام کرنا ہو گا۔ ان کا کہنا تھا کہ ترکیہ کی حمایت سے یورپی یونین کو خطے میں مزید استحکام حاصل ہو گا، اور دونوں فریق ایک دوسرے کی ترقی کے لیے مل کر کام کر سکتے ہیں۔