جی 7 کے دفاعی وزراء کا اجلاس نیپلز، اٹلی کے جنوبی شہر میں منعقد ہوا، جو کہ نیٹو کا اہم مرکز ہے ۔ اطالوی وزیر دفاع گیڈو کروسیٹو نے تمام شرکاء، بشمول نیٹو کے سربراہ مارک روٹے کا خیرمقدم کیا۔
اجلاس کا آغاز کرتے ہوئے کروسیٹو نے کہا “آج ہماری موجودگی ان لوگوں کے لیے ایک مضبوط پیغام ہے جو ہمارے جمہوری نظام کو نقصان پہنچانے کی کوشش کرتے ہیں۔”
کروسیٹو نے برسلز میں کہا کہ موجودہ عالمی تنازعات کے پیش نظر اس سربراہی اجلاس کی درخواست کی گئی تھی۔ اجلاس میں مشرق ۔وسطیٰ میں بڑھتے ہوئے تنازعات، یوکرین کی ج۔نگ، افریقہ میں ترقی و سلامتی اور ایشیا پیسیفک کے حالات پر تبادلہ خیال کیا جائے گا۔
یہ اجلاس اس وقت ہوا جب اسرائیل نے دو روز قبل حماس کے رہنما یحییٰ سنوار کی ہلاکت کا اعلان کیا، جو 7 اکتوبر 2023 کے اسرائیلی حملوں کے ماسٹر مائنڈ تھے، جنہوں نے غزہ میں تباہ کن جوابی جنگ کو جنم دیا۔ اجلاس میں عالمی تنازعات اور خطے کی صورتحال پر تبادلہ خیال کیا گیا۔
