ترک اور فرانسیسی فوجی سربراہان کی ملاقات، دفاعی امور پر بات چیت
استنبول ( تر کیہ خبر) ترکیہ کے چیف آف جنرل اسٹاف جنرل سلجوق بایراکتار اوغلو نے فرانس میں اپنے فرانسیسی ہم منصب جنرل فیبیئن مانڈون سے ملاقات کی۔ترکیہ کے جنرل اسٹاف کے مطابق، جنرل سلجوق بایراکتار اوغلو سرکاری دعوت پر فرانس پہنچے، جہاں ان کا فوجی تقریب کے ساتھ استقبال کیا گیا۔ترک جنرل اسٹاف نے سماجی رابطے کے پلیٹ فارم این سوشل پر جاری بیان میں بتایا کہ استقبالیہ تقریب کے بعد دونوں فوجی سربراہان کے درمیان انفرادی اور وفود کی سطح پر مذاکرات ہوئے۔